Basketball Girls, umarangkada na #JHSIntrams17

 ni Renon Jumangit

          

                Maghaharap sa kampeonato ang koponan ng Baitang 8 at Baitang 9 nang talunin nila ang kanilang nakaharap na koponan sa Basketball Girls Division na iginanap sa FANCC noong ika-20 ng Hulyo.

 

          

Magandang depensa at matinding opensa gamit ang fastbreak points ang ipinamalas ng Baitang 9 laban sa Baitang 7 sa unang yugto. Nahirapang maka-puntos ang koponan ng Baitang 7 dahil sa matinding depensa ng Baitang 9 kaya’t nakasabog ng 8-0 run ang Baitang 9 sa huling dalawang minuto ng unang yugto. Nagtapos ang unang yugto sa puntos na 2-8 sa pabor ng Baitang 9. Sa ikalawang yugto, nanatiling scoreless ang dalawang koponan sa unang anim na minuto. Sinubukang humabol ng Baitang 7 nang maibaba sila ang kalamangan sa lima, 7-12. Ngunit, mistulang nagkaroon ng coldspell ang Baitang 7 kaya’t nasungkit ng Baitang 9 ang panalo, 7-12.

Nanaig ang opensa ng Baitang 8 laban sa Baitang 10 nang sumabog sila ng 8-0 run sa huling dalawang minuto ng unang yugto, 8-2. Nagtapos ang unang yugto nang maka-back-to-back jumper si Nurdina Laja upang lumamang ng 9 puntos, 5-16. Ngunit, hindi nawalan ng pag-asa ang Baitang 10 at naibaba ang lamang sa 6 puntos nang makatira ng tres si Gleann Gorda, 10-16. Sa huli nakamit ng Baitang 8 ang panalo, 10-18.

Sa labanang Loser vs Loser naman, nakamit ng Baitang 7 ang panalo by default.

 

Sa kasalukuyan, maghaharap sa kampeonato ang Baitang 8 at Baitang 9 sa ika-21 ng Hulyo.