Sabik na sabik #JHSIntrams17

     

ni Sameeya Sumbing

 

       Magulo. Maingay. Masaya.

Sa wakas, nagsimula na naman ang pinakahihintay at inaabangan ng buong Junior High School, ang Intramurals. Maliban sa walang klase ang mga estudyante, maaari rin silang makilahok sa iba’t ibang mga laro o palakasan na siguradong hahasain ang kanilang mga talento at abilidad. Sa paraang ito, mapapakita ng mga mag-aaral ang kanilang pagkakaisa.

           

            Ang unang araw ng Intramurals ay punong-puno ng excitement at thrill. Ang mga estudyante rin ay umaapaw sa energy.  Mula sa parada hanggang sa matapos ang iba’t ibang mga laro at gawain, hindi ito humuhupa. Mapa-social media man, sila’y nag-iingay at aktibo pa rin.

 Isa rin sa mga inaabangan ng mga Atenista ay ang Vocal Solo, Vocal Duet, at ang Pop Dance Competition kung saan ang mga napiling estudyante ay mabibigyan ng pagkakataon upang maipamalas ang kanilang mga talento sa pagsayaw at pag-awit . Halatang-halata sa mga mukha ng mga mag-aaral ang pagkasabik na makita ang mga kapwa kaklase at kaibigan na kumanta o sumayaw sa entablado.

Sabi nga ni G. Honeyrod sa kanyang pambungad, lahat tayo ay dapat gumalaw ngayong Intramurals. Tayo ay hinihikayat na makisali sa iba’t ibang mga gawain at makihalubilo sa ating mga kamag-aral upang makabuo tayo ng komunidad na matibay at nagkakaisa.

Sana ay mapanatili natin ito upang maging mas mabunga ang mga susunod pang mga araw.