MAHAL NA BIRHENG MARIA

 Ang buong komunidad ng Ateneo de Zamboanga University – Junior High School ay nagdiwang ng Kapistahan ng Pag-akyat ng Mahal na Birheng Maria sa Langit noong Lunes, Agosto 15, 2016. Nagsimula ito sa misa na pinangunahan ni Fr. Arnel T. Ong, SJ kasama si Fr. Stephen Abuan, SJ. Sumunod dito ang prusisyon ng iba’t ibang mga Birheng Maria kasabay ang pagdadasal ng rosaryo. Ang iba’t ibang mga Birheng Maria na tanyag sa Pilipinas ay ang mga sumusunod

                                                  
 Nuestra Señora del Rosario (1924) -Ang patrona ng mga kongregasyon ng rosaryo at kapayapaan. Sa kanya nagdadasal ang mga tao ng proteksyon laban sa kapahamakan at aksidente. Ang kanyang araw ng kapistahan ay Oktubre 7. 

                               Nuestra Señora de la Paz y Buen Viaje (1926)  -Ang patrona ng mga galyon. Siya ay tinawag na patrona ng mga galyon dahil sa walong beses niyang paglakbay mula Mexico hanggang  Maynila ng ligtas. Sa kanya nagdadasal ang mga tao na  bigyan sila ng ligtas na biyahe, maging          internasyonal man ito o lokal. Ang kanyang araw ng  kapistahan ay Disyembre 8.

   
                                                   
Nuestra Señora del Pilar (1960)Ang patrona ng lungsod ng Zamboanga. 
   Siya ay pinaniniwalaan na nagbigay ng proteksyon sa lungsod laban sa mga 
            mananalakay. Ang kanyang araw ng kapistahan ay Oktubre 12.

    

Nuestra Señora de Peñafrancia (1985) 

Ang patrona at reyna ng lungsod ng Bicol. Siya ay pinaniniwalaan na marami ng nagawa na milagro kaya’t ang mga deboto ay patuloy na dumadagsa sa Basilica Minore upang magdasal at humingi ng gabay. Ang kanyang araw ng kapistahan ay ang ikatlong Sabado ng Setyembre.

 Nuestra Señora del Carmen (1991) -Ang patrona ng Carmelite Order. Ang

debosyon ng mga tao ay nakasentro sa eskapularyo ni Nuestra Señora del Carmen dahil
ito ay nagpapakita ng paglalaan ng paniniwala sa Mahal na Birhen at pagkakaugnay nito         sa Carmelite Order. Ang kanyang araw ng kapistahan ay Hulyo 16.

Nuestra Señora de la Inmaculada Concepcion(2008) -Ang Mahal na Birheng Maria na kilala sa iba’t ibang pangalan. Ang ina ng mahal na Hesus. Ang kanyang araw ng kapistahan ay Disyembre 8. 

Ilan lamang ito sa mga tanyag na Birheng Maria sa Pilipinas. Marami pang iba na maaari

nating kilalanin. Mainam na pagtuunan natin ng pansin ang pagkilala sa iba’t ibang
Birheng Maria upang lumawak ang ating kaalaman at patuloy pa na lumakas ang ating pananampalataya. 

Isinulat ni: Meg Gerodias
Ang mga larawan ay kinuha sa Google Images